ZARMED Universitetining “Innovatsion biotibbiyot va bioinjeneriya” ilmiy-amaliy jurnali rasmiy litsenziyaga ega bo‘ldi!

Jurnal Ommaviy-axborot kommunikatsiyalar agentligi tomonidan davlat ro‘yxatidan o‘tkazilib, tegishli faoliyat guvohnomasini qo‘lga kiritdi. Mazkur jurnal tibbiyot va bioinjeneriya yo‘nalishlarida ilmiy faoliyat olib borayotgan professor-o‘qituvchilar, olimlar, ilmiy izlanuvchilar hamda iqtidorli talabalar uchun ilmiy maqola va tezislarni chop etishga mo‘ljallangan. Bu esa ZARMED Universitetida ilm-fan, innovatsiya va akademik tadqiqotlarni rivojlantirish yo‘lidagi yana bir muhim qadamdir.