Diqqat, e'lon! ZARMED universitetida akademik qarzdor talabalar uchun yozgi semestr tashkil etilmoqda

ZARMED universiteti barcha kunduzgi ta'lim shaklida tahsil olayotgan talabalar diqqatiga akademik qarzdorlikni bartaraf etish maqsadida yozgi semestr darslari boshlanishini ma'lum qiladi. Universitet direktorining 2026-yil 11-iyundagi buyrug'iga muvofiq, o'zlashtirilmagan kreditlarni qayta o'qish va bilimlardagi bo'shliqlarni to'ldirish jarayonlari joriy yilning iyul oyida bo'lib o'tadi. Muhim sanalar va to'lov miqdori • Yozgi semestr davomiyligi: 2026-yil 1-iyuldan 31-iyulgacha etib belgilandi. • Dars jadvallari (1, 3, 5, 7 va 9-semestrlar uchun): 2026-yil 1-iyuldan 15-iyulgacha shakllantiriladi. • Dars jadvallari (2, 4, 6, 8 va 10-semestrlar uchun): 2026-yil 16-iyuldan 31-iyulgacha shakllantiriladi. • To'lov miqdori: Kunduzgi ta'lim yo'nalishlarida 1 (bir) kredit qiymati 100 000 (bir yuz ming) so'm etib belgilandi. Yozgi semestrda qatnashish tartibi • Talabalar HEMIS tizimining (https://my.hemis.uz/) "O'zlashtirish" bo'limi orqali o'zlashtirmagan kreditlarini mustaqil aniqlashi va nazorat qilishi lozim. • Darslar boshlanguniga qadar talaba o'ziga biriktirilgan edvayzer orqali institut direktori nomiga yozma ariza topshirishi kerak. • Arizalar qabuli yozgi semestr darslari boshlanishidan 3 kun oldin to'xtatiladi. • Shartnoma shakllantirilgan kundan boshlab 10 ish kuni ichida to'lovni amalga oshirish shart. • Muayyan fandan guruh tashkil etilishi uchun kamida 10 nafar talaba to'lov qilgan bo'lishi talab etiladi. • Talabalar soni 10 nafardan kam bo'lgan holatda universitet tashabbusi bilan darslar masofaviy (onlayn) shaklda tashkil etilishi mumkin. Imtihon qoidalari va GPA talablari • Yakuniy nazorat imtihonlari faqat belgilangan auditoriyalarda yoki kompyuter xonalarida an'anaviy (offlayn) shaklda o'tkaziladi. • Masofaviy (onlayn) imtihon topshirish qat'iyan man etiladi, bu qoidani buzgan talabaga intizomiy choralar ko'riladi va hatto talabalar safidan chetlashtirilishi mumkin. • Imtihonda "qoniqarsiz" baho (0-59,9 ball) olingan taqdirda qayta topshirishga ruxsat berilmaydi va talaba keyingi o'quv yilida fanni qayta o'qishiga to'g'ri keladi. • Zarmed universitetida talabalarni kursdan kursga o'tkazish uchun yillik GPA minimal ko'rsatkichi 2,6 hisoblanadi. • Agar talaba yozgi semestr imtihonlaridan o'ta olmasa va uning yillik GPA ko'rsatkichi 2,6 dan past bo'lsa, u tegishli kursni takror o'qish uchun o'z kursida qoldiriladi. Barcha akademik qarzdor talabalardan ushbu imkoniyatdan unumli foydalanishlari va belgilangan muddatlarda tegishli tartib-qoidalarga amal qilishlari so'raladi. Faylni yuklab olish: https://drive.google.com/file/d/1AEOxp5B8MJfXf60BfKTr6fXerjWaxlsc/view?usp=drive_link